النوّاب صارو ديوك/ عصام ملكي

شروقي

بلبنان أهــــــل الحكم عالناس عِمْلـو مْلوك

ولليوم بعدُن إلــــــو بيفصّلو طْـــقـــــومي

ضارب طنابو الشقا الخــازوق بالمَسموك

وصارت هْمومو حِمل والأرض محمومِه.

في نــــاس قالو إلي: مَنّو الأمــــر متروك

عالدرب جايي الفرَج لا تكون نـــَــاهومي

لبنان كِلُّو حَـــــلا وبالعافيِـــــه مــــزروك

عَنُّو بكلّ الدني عـــــــم يعْملو فْلومـــــــي.

بيجوز يمشي الوعي ضرب الوعد مَدكوك

بكرا بيقول الوطن: رح تنتهي همـومـــــي

ومن بعد كومِة حَكي ما ضلّ عندي شْكوك

قلت: بْأبانا الذي يـــــــا قيامتو قـــُـومــــي.

وساعة مـا بَطنُن إجا النُّوّاب صارو ديوك

وشَبرَق شبابو الغزَل عــــــا بنْج العمومي

ولمّا استقام الوطـــــــــن قِلنا: ألف مبروك

إن كان مــــــا في طرح رح نِقشع حْكومِه.