رد على قصيدة الأخ الشاعر المهجري الحبيب عصام ملكي رئيس عصبة الزجل اللبناني في أوستراليا والتي فاضت بها قريحته الشعرية بعد صدور كتابي : (( شريل بعيني )) شاعر أمتي :

بعرف عصام الزجل خيَّالو   

وفارس طموحو فوق آمالو

فارس بإيدو شعلة الفرسان    

ع صهوتو ما في حدا يطالو

صحَّى بصوتو غفوة الوجدان  

وزلزل رموز الشر زلزالو

ورتل تراتيل السما بإيمان 

بلكي بيزهِّر حلم أجيالو

وبعدو ابن ملكي صدى لبنان    

صوت القداسة بطهر إجلالو

غنى بأشعار الزجل ألحان

وسكرت طيور السما بموَّالو

ويا ما غمس من ريشة الألوان   

يرسم وطن بخيوط مغزالو

حارس الأرزة وعبقر الوديان   

ياما القمر زارو بعرزالو

وكل همُّو راحة الإنسان 

ينعمْ ولا يعكِّر حدا بالو

بعرف عصام الشاعر الإنسان   

يِّلي فعالو بتسبق قوالو

الشاعر ابن ملكي إلو عنوان    

صَّياد ربَّات الوحي خيالو

ياما بخيالو رافق الميزان       

ويا ما دفق بالعطر شلالو

وبالليل في لو بالسما جيران    

نجمات شعوا بهالدني وقالو

شاعر الغربة وعاشق الأوطان   

من غربتو شو حنّ ع جبالو

ع الأرز ع الموجات ع الشطآن 

ع الذكريات ال صورتا قبالو

لو كان ملكي الأمر عندي كان   

لزرع بحضن الأرز تمثالو .

– محردة -

رد على قصيدة الأخ الشاعر المهجري الحبيب عصام ملكي رئيس عصبة الزجل اللبناني في أوستراليا والتي فاضت بها قريحته الشعرية بعد صدور كتابي :  شريل بعيني شاعر أمتي :

**

بعرف عصام الزجل خيَّالو 

وفارس طموحو فوق آمالو

فارس بإيدو شعلة الفرسان 

ع صهوتو ما في حدا يطالو

صحَّى بصوتو غفوة الوجدان 

وزلزل رموز الشر زلزالو

ورتل تراتيل السما بإيمان 

بلكي بيزهِّر حلم أجيالو

وبعدو ابن ملكي صدى لبنان 

صوت القداسة بطهر إجلالو

غنى بأشعار الزجل ألحان 

وسكرت طيور السما بموَّالو

ويا ما غمس من ريشة الألوان 

يرسم وطن بخيوط مغزالو

حارس الأرزة وعبقر الوديان 

ياما القمر زارو بعرزالو

وكل همُّو راحة الإنسان

 ينعمْ ولا يعكِّر حدا بالو

بعرف عصام الشاعر الإنسان

 يِّلي فعالو بتسبق قوالو

الشاعر ابن ملكي إلو عنوان 

صَّياد ربَّات الوحي خيالو

ياما بخيالو رافق الميزان 

ويا ما دفق بالعطر شلالو

وبالليل في لو بالسما جيران 

نجمات شعوا بهالدني وقالو

شاعر الغربة وعاشق الأوطان 

من غربتو شو حنّ ع جبالو

ع الأرز ع الموجات ع الشطآن 

ع الذكريات ال صورتا قبالو

لو كان ملكي الأمر عندي كان 

لزرع بحضن الأرز تمثالو 

**

يـا شربل اشطبلي الحَكي التلبيس

ما في حَـدا طُـول اللسان يقيس

كتار اللي قالو: ريقنا بيشطّ

شو بـــاك بسّ بموقعك بتحطّ؟

قلتلّهن: بهـرب مــن التفقيس.

مبارح عــا نتفه دعستْ عالمدِّه

وقالـت: الضمِّه طباعها حَــدِّه

وخلقي طلع عاكعب خود وهـات

وصارت الكلمه من بني الأموات

لمّا فدغتْ الـحـــرف بالشدِّه.

بدنا شعر مـــا نقول شو هُوِّي

عند الكتابــه كتّرو مـــروِّه

لا تطعمونا بسّ خبز الــحـاف

بدرب النظرعنّا حكي بيُوقاف

تـا نطالعو أوقــــات بالقوِّه.

فلان الفلانـي بإصبْعو تــدرّى

ما بيعرف البايع مــــن الشرّا

بجاه السما يــــا شربل الهمّام

البيكون مـــا عندو وحي وإلهام

بالشهر نزِّللُّو فـــــرد مَـرّه.

الشاعر مخايل ابراهيم مخايل من الشعراء المتقدّمين، ترك أثراً لا يُمحى في قلوب محبِّيه وعارفيه. عرفته عندما جاء إلى أستراليا وزرته في الوطن، فوجدت فيه الإنسان المحبّ والطيّب النبيل، صاحب الكلمة الجميلة، والشعر الراقي.

أتقدّم بأحرّ التعازي إلى أسرته وأقربائه وأصدقائه ومحبّيه في الوطن والمهجر.

الشاعر مخايل بعرفو مــــن زْمان

كلّو محبّه وعاطـــفـــــه وإيمــــان

شاعـــــر قدِر عالأبــجــديِّه يمون

بالشعر يمكن مــــن بَني "بدادون"

مش بسّ للعيله الـــعــزا بيكــــون

لقرايبينو هـــــَـــــــون وبلـبـنــان.

بْحَقل الــعـَــزيـــمـِـــه قايل القايل:

بالــعـــاطــــــفِـــــه بتعلِّم متـايـــل

عا أرضها مخايل بشرعــي كَـوْن

ومتل اللي قالــــو بْقولـهـا بالمَون:

من هالدني الما لها لا طعمه ولون

قــــــال الأبانا وسافـــــــر مخايل.

وبيقول بالعالي ابــــــــــــن مِلكي

وحقُّو معو إن كــــان عــم يشكي:

بغيبة مخايل راحت الأفــــــــراح

مـــن هالدني وتجمهرو الأتــراح

وهلّق لأنُّو بـــهــــا الطريقه راح

حقل العزيمه دمّ عــــــــــم تبكي.

مخايــل لطيف وجَبلتو مـِــنَّـــــــا

وإخْــــــــــــــوه إلــو وحياتنا كنّا

شاعـــر مربَّى وطعمتــو معمول

ومن قلب قلبي بقول عـا المكفول

بقدِّم تـــــعـــــازي لعيلتو وبقـول:

راح اللي متلو مــــــــــــا بقا عنَّا.