مية ملّه/ روميو عويس

بيقولو: رجاع .. وبلادك عظيمه
لها تاريخ .. جاوبت اللي قلّي:
وقّف .. بعرف خبارا القديمه
وشعبا كان ما يرضا المذله
شعب ما كان يركع للهزيمه

شعب اليوم .. خانقتو لقله
شعب محروم من عيشه كريمه
شعب خيفان ما صوتو يعلّي
بوج الظلم والطغمه اللئيمه

انا التاريخ منو شو حصلّي
انا بيحاضري ضايع .. نعيمي
انا من وقت ما بوعى يا خلّي
الزمره ذاتها .. وهمّا الغنيمه
مشاكل.. كل موسم،كل غَلّه
ولا مره بيعملو للشعب قيمه
الموت رخيص.. والتكفير صرعه
وصارت كل ملّه مِيةْ ملّه

CONVERSATION

0 comments: