بني ادم/ طوني حنا النسر

عا الكون جينا وحظنا تشلّع
وعا بعضنا منضل نتدلّع
وكلما نظمنا للفرح اشعار
بيطلع البيت بلا شعر اصلع

وما زال منقول العمر مشوار
وبدو يجينا نهار نتقلّع
يا ما سألنا حالنا شو صار
وعشرين مره الصوت ما لعلع

كيف بدنا نشوف استمرار
لايام فيها وجودنا تولّع
نحنا بدني ما في لها دبار
ومنها بعيده توبها نقلع

بالارض عم نزرع فجل وخيار
واشكال مهما ترابها تلّع
لكن بني ادم بها المضمار
عم ينزرع بالارض لم بيموت
وغير ما القيامه تقوم ما بيطلع