ما صعبتش عليك

يامالك قلبى بين إيديك  

وهان عليك 

تلعب بقلبى وهو روحه فــــيك

وأنا كنت فاكرة

إنك هاتنسينى غــدر الزمان 

وجاتنى فكرة 

إنى معاك رح أعيش فى أمـــــان

خلتنى أعيـش 

معاك عمرى بأحساس جـــــديد

زعل مافيش 

وكل يـوم وياك هيكون سعيد

معاك نسيت 

يا حبيبى الحزن وكل جرح 

وبقول ياريت 

الكــل زيى يعيش فى فـرح

وتهيألى إن الزمان 

صالحنى بيـك 

و ما كنت أحس بالأمان 

إلاوأنـا بين إيـــــــديك

و لقيتك فجأة 

صبحت إنســــان تانى 

ومن المفاجأة 

بكت العين وسكت لسانى 

طب قولى ليه 

يــا حبـــــيبى هــجرتنى 

عملت إيــه 

وليه بحبك شغلتنى

أنا إللى وهبت عمرى لـيك 

بكرة الزمان بذنبى هيوريك .

يارب أنت وحـــــــــــــدك العالم بالحقيقة 

لا بتغفل ولا تنام لحظــــــــــــة ولا دقيقة

عـــــــالم مين الظلمة ومين الناس البريئة

إكشف عن مصر الضر وفرج كل ضيقة .

ـــــــــــــــــــــــــــــــــــــــــــــــــــــــــــــــ

قلبى واجعنى يا مصر من كتر حزنى عليكى

ياست كل عصر بقلبى وروحى أفـــــــــديكى 

ما بحلم بفيلا وقصر وأعيش فى عشــه فيكى

أبشرى خلاص بالنصر علشان ربنا حاميكى .

ــــــــــــــــــــــــــــــــــــــــــــــــــــــــــــــــــــ

مش عارف ليه يا مصــر فيكى الطوع تمللى

وديما كــــــــــــــده أعدائك حسبنهاله بالميللى

بدعيلك مــن كل قلبى فى سجودى وأنا بصلى

ربنا يهدى حــــــــــــــالك ونبنى فيكى ونعلى .

ـــــــــــــــــــــــــــــــــــــــــــــــــــــــــــــــــــــ

نفسى أعرف يا بلدى بيعملوا فيكى كده ليه

أعدائك متربصينلك هــــو أنتى عمللهم إيه 

وإبنك بيخاف عليكى زى ما بتخافى عليه 

وإللى هيدخل يخرب رح نقطع رجليه .

ـــــــــــــــــــــــــــــــــــــــــــــــــــــــــــــــــــــ

حبك مزروع فى قلوبنا واللهى مش كلام

علشان علمتينا إزاى نعيش فى ســــــلام 

من حبك والله دوبنا يا منارة الإســــــلام

يــــارب نور طريقنا وإكشف عنا الظلام .

ــــــــــــــــــــــــــــــــــــــــــــــــــــــــــــــــــــ

بحبك يا بلدى والله وقلبى بيبكى عشانك

الكل عاوزك فوضى وما ترجعيش لمكانك

إيه إللى بيحصــــــل ده وراح فين أمانك 

بدعى لربنا ينتقم من كـــــل إنسان خانك .

ما تزعليش يا مصر فى الأخرإنتى منصورة

وكل إللى طمع فيكى رح نفضحه بالصـــورة

وبطمنك كل أعدائك صبحت الأن محـصورة

وبكرة يعرفوا الحقيقة وإتلعب بيــــهم الكُرة .

عاوزين بقى نفوق ونـروح نشوف شغلنا

ونطلع مصر فوق  ونحـافظ على بعــضنا

مصــــــــــــــــر مش لحد مصر لينا كلـنا

والوطن للجميع أما الديـــــــن لربنــــــــا .

لينا تلاتين سنة الخوف مسكـــــتنا

وجت ثورة ينـــــاير وعرفنا سكتنا

والعــــــــالم كله شهد برقى ثورتنا

ولازم نحافظ كلنا على مصر دولتنا .

لكل مســـــــــــــــــلم ومسيحى إللى ليا سامع

المسلم يحرس كنيسة ومسيحى يحرس جامع

ومـــــــــــــدام بنحب بعضنا هيبقى إيه المانع

وأوعاك تدى ودناك لأى إنســــــــــــان طامع .

الكريم طول عمـــره كريم
ما يرد من وقف على بابه
أمــــا الندل ديمــــــــا لئيم
وعتــــــــاب الندل إجتنابه .
**

إللى يعرف الدنيا على حقيقتها
عمره فى يوم ما هيبكى عليها
غداره وحذارى مــن ضحكتها
الكل مفارقها مهما عاش فيها .
**

أنا إللى ماليش حظ وديمــــــــــا كده منحوس
ولوجانى الحظ مرة بيجينى بالمعكـــــــــــوس
ألاقى نفسى إتوكست أكتر ما أنـــــــا موكوس
الحظ مش بس مـــال  مش كل حاجة فلوس .
**

أنــــــــــــا إللى الفقر كان ليا أعز صــديق
كل ما أروح فى مكان يسبقنى فى الطريق
لا عمره لحــظة سابنى وكأنه ليا رفيـــــق
يارب إمتى الفرج يا مفـــرج كل ضـــــيق .
**

أ مُنا هى الوحيدة إللى مـن قلبها حبتنا
وتبقى فى غاية السعادة بسبب  لـــمتنا
لمــــا كانت معانا مكناش نعرف قيمتها
يا خسارة عرفنا الحقيقة بعد مـا فرقتنا .
**

هـــــو أنت ليه ياحظ ديما عننا غايب ؟
وإن جيت لنا مرة تجيب معاك مصايب
نفسنا تصالحنا يـــا حظ ونبقالك حبايب
دا ربك عاوزنى كده مَتفكرنيش  خايب .
**

قولى ليه يا زمن زادت عداوتنا
وما عاد فى أمــان حتى فى بيتنا
فاكر زمان يـــــا زمن فاكر لمتنا
ليــه العداوة كترت وقلت محبتنا ؟

 

مش قــــــــادر أرجعلك   ولا قــــــــادر أنساكى
ولا قـــادر أعيش بعدك   ولاقادر أعيش معاكى
مــــا يهُنش عليا زعلك  وعــاوزك تسامحينى
ونفسى أجى وأصالحك  وخـــــــايف تصدينى
مين أســــــــــاكى عليا    وكنتــــــــــى بتحبينى
يــــــــــا أعز حبيبة ليا  ياروحى و نور عينى 
مــــــــــا كنتش أتصور   إنك  تقدر عنى تغيب
وعينى عمــــاله تضور   عليك يــا  أعز حبيب
من يوم يا حبيبى ماسبتك  عينى ماليها الدموع
وإن جت مع حـــد سيرتك  القلب يفضل موجوع
حبيتك من كـــــــــــل قلبى حب بصدق وإخلاص
لكن أنت ما صنتش حبى  حب كــده  وخــلاص
من ساعة ما بعدت عنى   وعينى جفاها الـنـوم
يا حببتى يــــــا حته منى  بشتاق لك كل يـــــوم
نفسى يا حبيبتى أعرف   أخـــــــرتها ويـــــــاكى
دنـــــــا بتعذب  فى بُعدك  ويزيد عذابى فى لُقاكى
مش قـــــــــــادر أرجعلك  ولا قـــــــــــادر أنساكى .

ما بيرحم قلبى وألامه   مخاصمنى وطال خصامه
مش قادر على بُعده   وماليش حبيب بعده
دا هو بلسم روحى    وهو دوا لجروحى
حُبه محفور فى قلبى  وعينى ما تقدر تخبى
حبيبى أصله عنيد    يخاصمنى نارى تقيد
وكل ما يزيد خصامه   كل ما حبى يزيد
حبك بيجرى فى عروقى   بيجرى كمجرى الدم
وإمتى بقى هتروقى  ويبعد عنى الهم 
مش قادر أتصور نفسى    لو بعدت عنك
يا حبيبى فيك نفسى   وكأنى حته منك
لو العين ما شفتكيش يوم  بيحرم عليها النوم
وإن يوم ما سمعتش صوتك ودانى  ألاقى الفكر خدنى بعيد وودانى
من غيرك مل قلبى    يا حبيبتى وطال سكوتى
أصل إنتى كل حبى    وبعادك يعنى موتى