خواطر وأحلام (5)/ سركيس كرم

تسلم يا شرف الشرف .. ويا قمة التضحية.. ويا عظمة الوفاء.. تسلم يا وطن.. والوطن ما بيسلم ألا معك وحدك يا جيشنا يا جيش لبنان.

تحية الى رئيس بلدية باراماتا الاستاذ جان شديد الذي أقام حفل رفع العلم اللبناني في وسط مدينة باراماتا في سيدني اوستراليا لمناسبة عيد استقلال لبنان. وكعادتها قدمت فرقة أرز لبنان الفولكلورية بقيادة الأستاذ ايلي عاقوري لوحات رائعة من التراث اللبناني. كذلك تحية الى ألاستاذ نيد عطيه رئيس بلدية أوبرن الذي زرع أرزة لبنانية في حديقة أوبرن. والتحية الأكبر الى النائب الاستاذ طوني عيسى الذي كان أول من بادر الى أطلاق هذه المناسبات اللبنانية في اوستراليا.

*****

دايما الكلام يللي بيطلع من القلب والعقل بيفوت بقلب وعقل الانسان الواعي والمنفتح.. اما الكلام المعلب والمستنسخ ما ألو ألا تأثير ظرفي ومؤقت ع بعض الناس ..

*****

رأي بسيط عن زيارة الاستاذ ميشال بك معوض لأوستراليا لا علاقة له لا بالأنتخابات ولا بالمواقف السياسيي. وهوي أنو عند ميشال بك كل المؤهلات حتى يسوّق فكرتو وقناعتو بالخط يللي هو مؤمن فيه عبرالكلمة الجيدة والوعي والدقة والقدرة ع مخاطبة الناس بأسلوب أنيق وواضح.  وعندو كمان العزم والطموح والرغبة بالعمل والكد ساعات طويلة للتواصل مع الكل، والدليل أنو بالرغم من برنامجو المكثف بسيدني كان دايماً عم يطل بحيوية وتركيز وحضور لافت بكل المناسبات. وكمان عندو موهبة مواكبة التغيير المطلوب بها الأيام بنضوج متنامي وبتتطور متواصل وبطرق عصرية وشبابية قريبة من الناس وبعيدي عن الفوقيي ..

بيوم الاستقلال منتذكرك يا بطل الابطال يا يوسف كرم.. ومنشوفك مع رجالك الفرسان.. رافعين راية الوطن بوجه الغريب.. راية السيادة الوطنيي بوجه الحاكم الأجنبي وجحافل السلطنة يللي هزمتو جيشا بكل المعارك وانتو بس متسلحين بالكرامي والشهامي والايمان.. بيوم الاستقلال نحنا ما مننسى يا بطل فضلك ع الاستقلال.. ولو نسيو يللي ما لازم ينسو فضلك وتضحياتك وبطولاتك انتي ورجالك الأبرار.. ومتل ما قال الشاعر " ولو غبت من حول أرزتنا منذكرك بيوم عازتنا وكل ما رياح الشوق هزتنا منقصد لأهدن منبت الأبطال بالمعبد نصلي على ديّالك"

*****

شايف بطركنا القديس اسطفان الدويهي عم يأرخ وينظم كنيستنا المارونيي ع مكتب من صخر وحبر من ألم المصاعب والمشقات يللي تغلّب عليها بالأيمان حتى صار فينا نقول بفخر وأعتزاز "الكتب كلها مديوني.. لأعظم بطرك ماروني ..الدويهي بقلوبنا قوني ..ها الأرخ كل الأزمان"..