إنهم يأكلون ( النستو)!/ حسن سعد حسن

صاح الرجل قائلاً ،وهو فى قمة الإنفعال، ونشوة النصر:-
 - ألم نقل لكم أنهم عملاء مأجورون، خونة، فاسدون، ومفسدون؟!
ألم نقل لكم أنهم يريدون ضياع البلاد ،وهلاك العباد ؟!
،ولكنكم كنتم تنتظرون الد ليل
وتصرخون :-
أين الدليل ؟!
عايزين دليل ؟!
وها هو الدليل أمام أبصاركم يشاهده الجميع، و(يا للى من البحيرة ،ويا للى من اّخر الصعيد ،ويا للى من العريش الحرة، أو من بور سعيد)
جانا ...الدليل ...... جانا
والليلة..... نجف
ودليلنا.... صد ف
ظهر الحق ،وزهق الباطل
ظهر الدليل الذى تشيب له الولدان
نعم كم كنا ندعو الله باكين، متوسلين أن يظهر الحق على أيدينا !
وهاهو النصر
فقد أزلنا خيامهم  ،وفتشنا أغراضهم ،ويا لهول ما رأينا
اّيها الناس اسمعوا، وعوا
إنهم يأكلون ( النستو)!!
يا له من عار!!
يالها من فضيحة شنعاء!!
جبنة ( نستو) !!
يا منجى من المهالك يارب
جبنة( نستو)...!!
استر على و ليانا يارب
جبنة (نستو)!!
يا خفى الألطاف نجنا مما نخا ف
نعم إنهم ياكلون (النستو)
كارثة ،ومصيبة ،ودليل دامغ لا ريب فيه على العمالة، والوضاعة ،والحقارة!!
جبنة (نستو) !!
ليه يا بنى تعمل كده ؟!ليه؟!
ليه تمشى فى طريق الحرام دا؟!
يا شماتة أبلة (ظاظا)فيناااااااااااااا!!
جبنة (نستو) ؟!
يا عيب (الشوم)
طيب خليها (لحمة) زى  بتوع الإنتاج الإعلامى على الأقل تربرب ،وتسمن كده!!
يصيح الرجل فى حماس شديد قائلاً :-
- ألم نقل لكم ،وكذبتمونا؟!
وماذا بعد ( النستو)؟!
- بلى قلتها اّيها  المغوار .. يا عنترة زمانك ...وفارس عصرك ،وأوانك
نعم قلتها ،ولكننا لم نصدقك
بس ماراييك فى الذباح واولائم التى تقام صباح مساء عند مدينة الإنتاج الإعلامى
وذبح (الأبقار) أعزكم الله ،و(الجمال )؟!
وحفلات الشواء؟!
وبناء دورات المياة؟!
( لا حس ولا خبر )!!
بذمتك مش مكسوف من نفسك
وانت ماسك علبة (النستو) دليل؟!!

CONVERSATION

0 comments: