محردة عروس الوطن/ مفيد نبزو

والله لبكي الحجر    
بكي حجار الدار
يا ليل زخ المطر      
والنار تشعل نار
راحوا برفة رمش      
عصفت رياح العار
رشوا العطر للنعش    
 وين الورد والغار
محردة  عروس النور 
 تنزف ودمعا انهار
ليزا وجنان ونور      
أديب يا  ابنا البار
يا زمن شو هالزمن    
صاروا الزغار كبار
محردة عروس الوطن     
 أكبر من الأشرار .
****
من الجامعة إلى الموت
تفجير باص طالبات الجامعة العائدات من حمص إلى محردة بعبوة مزروعة في الطريق في خربة خنيزير ليموت السائق الشاب المأسوف على شبابه وطباعه العاطرة ,وشهامته  أديب غازي الأسعد 38 سنة وعدد من الطالبات الصبايا المأسوف على شبابهن وعلمهن وجمال الجوهر والروح والأخلاق جنان راتب زيود28 سنة وليزاجهاد خوري 18سنة ونور فريد بلجوس 28  ، وإصابة البقية بجراح وشظايا .

كل الحروف الواعية مش نافعة
مع هالأيادي المجرمة والخانعة
بعدن بعمر الورد وبعز الشباب
وقلوب كلا بالمحبة وادعة
صاروا بعبوة كفر دمن عالتراب
مح...ردة الحزينة عيون قلبا دامعة
مزَّق الشر الخير وانشق الكتاب
نار الجهل حرقت طموح الجامعة
كيف حللوها بشرع الله والكتاب
غدر ومكر طبع الثعالب خادعة
وهالأم يلي بنتها بعلم الغياب
تصرخ ياريتك بالسلامة راجعة
يا ضيعتي محردة الحنونة بهالمصاب
ما بتنحني وبتضل شمسك ساطعة
فتحت ِ القلب والفكر خير بكل باب
ويا حسرتي تجني دموع الفاجعة
ما في جريمة بعهد الله بلا حساب
يارب ترحمنا ورحمتك واسعة .

CONVERSATION

0 comments: